अत्तरिया , कैलालीको अत्तरियामा नेकपा एमाले गोदावरी नगरकमिटीले दशै तिहारको अबसर पारेर शुभकामना आदान प्रदान कार्यक्रम गरेको थियो। पार्टी कार्यालय बनखेतमा एक कार्यक्रमको आयोजना गरी शुभकामना आदान प्रदान कार्यक्रम गरेको हो ।
कार्यक्रममा एमाले जिल्ला कार्यवाह अध्यक्ष दुर्गा जोशी, प्रदेश सांसद सन्तोष शर्मा , गोदावरी नगरपालिकाकी नगर उपप्रमुख शारदा देबी रोकाया लगाएतका नेताहरुको सहभागिता रहेको थियो ।
यस्तै हालै सम्पन्न एमालेको प्रदेश अधिबेशनबाट नब निर्बाचित प्रदेश कमिटी सदस्य गोकर्ण भट्ट, खम्ब बुढा ,नर बहादुर रोकाया र राम थापा लगायतलाई नगरकमिटीले सम्मान समेत गरेको छ ।
नगरकमिटीका उपाध्यक्ष सन्तोष सिंहको सभाअध्यक्षतामा भएको कार्यक्रममा संस्थापन ईतर समूहका नेताहरुको सहभागी भने रहेको थिएन्न । एमाले गोदावरी भित्र बिगत देखीको दुई धार प्रदेश अधिबेशन पछि झनै झांगिएको नेताहरुले बताएका छन् ।
आजको कार्यक्रममा सहभागी नेताहरुले आन्तरिक पार्टी राजनितीमा हिजो भएका असहमतीलाई बिर्सेर नयाँ तरिकाले अघि बढनु पर्नेमा जोड दिएका थिए । तर बिडबाना भने एक पक्ष नेताहरु किन सहभागी भएन्न भने प्रश्न उठेको छ । सहकार्य र मिलनका आवाज नेताहरुले दिई रहेका थिए ।
