अत्तरिया, कैलालीको गोदावरी नगरपालिका वडा नम्बर १ का वडा अध्यक्ष तथा नगर प्रवक्ता गोपाल दत्त भट्ट मोटरसाइकल दुर्घटना परी घाइते भएका छन्।
वडा नम्बर १ को बिजोरा सडक खण्डमा एक आपसमा मोटरसाइकल ठोक्किदा दुर्घटना भएको हो। अहिले उहाँको अतरियामा रहेको पद्मा अस्पतालमा उपचार भइरहेको छ।
हात खुट्टा र मुखमा चाेट लागेको वडा नम्बर १ का वडा सदस्य चेतराज पन्तले बताउनुभयो। उहाँकाे मोटरसाइकललाई ठक्कर दिने व्यक्तिलाई भने सामान्य चोटपटक लागेको समेत उहाँले बताउनुभयो
