जाेगबुढा, डडेल्धुरामा जिप दुर्घटनामा परेर घाइते भएका इन्जिनियरकाे मृत्यु भएको हाे।
जिल्लाको परशुराम नगरपालिका-११ सल्लेताका ३० वर्षीय इन्जिनियर डम्मर धामीको मृत्यु भएको प्रहरी निरीक्षक डम्बर विष्टले बताए ।
यहि मंसिर ४ गते परशुराम नगरपालिका-९ स्थित दैजी-जोगबुढा सडकखण्डको लिप्नामा लु१ज ४५७९ नम्बरको जिप दुर्घटना भएको थियो । उक्त दुर्घटनामा ९ जना घाइते भएका थिए भने दुई जनाको घटनास्थलमै मृत्यु भएको थियो ।
सोहि दुर्घटनामा परी गम्भीर घाइते भएका इन्जिनियर धामीको आज उपचारका क्रममा धनगढीमा रहेको निसर्ग हस्पिटलमा मृत्यु भएको हो ।
