अत्तरिया, कैलालीको गोदावरी नगरपालिका अत्तरिया चौराहमा गाडीको ठक्करबाट एक वृद्धाको मृत्यु भएको छ। मंगलबार दिउँसो अत्तरिया चौराहमा बा १८ च ५८२९ नम्बरको गाडीको ठक्करबाट ७८ वर्षीया नन्दा देवी नाथको मृत्यु भएको हो।
![](https://etigernews.com/wp-content/uploads/2024/01/bishal-shut-add.gif)
सुदूरपश्चिम प्रदेश प्रहरीका अनुसार नविन दाना पोल्ट्री फर्मको गाडीले वृद्धालाई ठक्कर दिएको थियो। गाडीको ठक्करबाट घाइते भएकी पैदल यात्री नाथको धनगढी स्थित माया मेट्रो अस्पतालमा उपचारको क्रममा मृत्यु भएको हो।
![](https://etigernews.com/wp-content/uploads/2023/08/1558766367.gif)
उनलाई ठक्कर दिन गाडी र चालक गोदावरी नगरपालिका वडा नम्बर २ का दिनेश लम्साललाई प्रहरीले नियन्त्रणमा लिएको छ। घटनाको विषयमा मालाखेती प्रहरीले थप अनुसन्धान गरिरहेको जनाएको छ ।
![](https://etigernews.com/wp-content/uploads/2023/08/nawaduga.gif)