अत्तरिया, कैलालीको गोदावरी नगरपालिका- १ मा धार्मिक ज्ञानविज्ञान सप्ताह महायज्ञ सुरू भएको छ । चैतन्यपुरमा नवदुर्गा ग्वाँसी समैजी धार्मिक ज्ञानविज्ञान सप्ताह महायज्ञ आज बाट सुरू भएको हो।
![](https://etigernews.com/wp-content/uploads/2024/01/bishal-shut-add.gif)
महायज्ञ सप्ताह कार्यक्रमको गोदावरी नगरपालिकाका नगर प्रमुख विरेन्द्र भट्टद्वारा कलशमा दियो बाली समुद्घटान गरे । उदघाटन कार्यक्रममा गोदावरी नगरपालिकाकी उप प्रमुख शारदा देवी रोकाया, नगर प्रबक्ता गोपाल दत्त भट्ट, महायज्ञका कथा वाचक अच्युत शरण महाराज लगायत स्थानिय समाजसेवी बुद्धिजीवीको उपस्थिति रहेको थियो।
![](https://etigernews.com/wp-content/uploads/2023/08/1558766367.gif)
आज बाट सुरु भएको महायज्ञ २६ गते सम्म संचालन हुने भएको छ । महायज्ञको उद्घाटन गर्दै गोदावरी नगरपालिकाका नगरप्रमुख बिरेन्द्र भट्टले नेपाल धार्मिक सद्भाव र एकतामा लागि विश्वमै उदाहरणीय रहेको बताए।
![](https://etigernews.com/wp-content/uploads/2023/08/nawaduga.gif)
उनले हाम्रो समाज एक आपसमा मिलेर अगाडि बढेको जनाउँदै सबै धर्म र सम्प्रदायबीच बलियो एकता रहेको धारणा राखे ।
मन्दिरको स्तर उन्नति, सनातन धर्म संस्कति जोगाउनका लागि महायज्ञ सञ्चालन गरिएको नवदुर्गा ग्वाँसी समैजी धार्मीक ज्ञानविज्ञान सप्ताह महायज्ञका संयोजक मान बहादुर बलायरले बताए ।
उनले एक हप्ता सम्म संचालन हुने महायज्ञ मा अच्युत शरण महाराजले कथा वाचन गर्ने बताए । कार्यक्रमको संचालन यज्ञ राज कापडीले गरेका थिए भने शुभकामना मन्तब्य संस्थाका सचिव खेम भट्टले गरेका थिए ।