पोखरा,केपी ओली कप टी-२० क्रिकेटमा मधेश प्रदेशले सुदूरपश्चिम प्रदेशलाई ८ विकेटको फराकिलो अन्तरले हराएको छ।
![](https://etigernews.com/wp-content/uploads/2024/01/bishal-shut-add.gif)
पोखरामा भएको खेलमा जितका लागि पाएको ५९ रनको लक्ष्य मधेशले २८ बलमै भेट्टायो । मधेशका लागि अनिल साहल २५ रन बनाए । इमरान शेख १७ र पवन सराफ १४ रनमा नट आउट रहे ।
![](https://etigernews.com/wp-content/uploads/2023/08/1558766367.gif)
यसअघि पहिला ब्याटिङ गरेको सुदूरपश्चिम १५.५ ओभरमा ५८ रनमा आउट भएको थियो । उसका लागि नरेन्द्र साउदले १८ रन बनाए भने भोजराज भट्ट र किरण ठगुन्नाले समान १० रन बनाए ।
![](https://etigernews.com/wp-content/uploads/2023/08/nawaduga.gif)
मधेशका हरिशंकर शाहले ४ तथा रुपेश सिंहले ३ विकेट लिए । यो जितपछि समूहमा मधेस र नेपाल पुलिस क्लबको समान २ अंक भएको छ तर रन रेटमा पुलिस अघि छ । पहिलो खेलमा मधेशलाई हराएको पुलिसले सुदूरपश्चिमसँग खेल्न बाँकी छ ।