काठमाडौँ, नेकपा एमालेको मध्यपहाडी यात्रा सुरु भएको छ । पार्टी अध्यक्ष केपी शर्मा ओलीले झुलाघाटमा राष्ट्रिय झन्डोत्तोलन गरेर अभियानको सुरुवात गरेका हुन ।
![](https://etigernews.com/wp-content/uploads/2024/01/bishal-shut-add.gif)
अध्यक्ष ओलीले नेपाल–भारतको सीमावर्ती बजार झुलाघाटबाट नेपालको राष्ट्रिय झण्डोत्तोलन गरेर यात्राको उद्घाटन गरे । योसँगै एमालेको आजदेखि बैतडीको झुलाघाटदेखि पाँचथरको चिवाभज्याङसम्मको यात्रा सुरु भएको छ ।
![](https://etigernews.com/wp-content/uploads/2023/08/1558766367.gif)
अभियानका लागि पार्टी अध्यक्ष ओलीसँगै वरिष्ठ उपाध्यक्ष ईश्वर पोखरेल, उपाध्यक्ष विष्णु पौडेल, रामबहादुर थापा, महासचिव शंकर पोखरेलगायतका पार्टी पदाधिकारी र केन्द्रीय नेताहरू बुधबार साँझ बैतडीको सदरमुकाम गोठलापानी पुगेका थिए
![](https://etigernews.com/wp-content/uploads/2023/08/nawaduga.gif)
पुष्पलाल राजमार्गको रुपमा चिनिने मध्यपहाडी लोकमार्ग १ हजार ८७९ किलोमिटर छ । यात्राका दौरानमा स्थानीय जनता, सरोकारवाला, वृद्धिजीविसँग छलफल हुने एमाले प्रचारप्रसार विभाग प्रमुख राजेन्द्र गौतमले जानकारी दिए ।