धनगढी,नेकपा एमालेका महासचिव शंकर पोखरेलले केही अराजक झुण्डलाई पुर्व राजाले प्रयोग गर्न खोजेको बताए । कैलालीको धनगढीमा एमालेको केन्द्रीय कमिटीको आह्वानमा प्रदेश समितिले आयोजना गरेको विशेष जनसभालाई सम्बोधन गर्दै उनले राजाका पालाको काम र अधिकार सगं अहिलेका अधिकार तुलना गर्न उनले आग्रह गरे । राजा फर्काउने भन्दै हुने आन्दोलन अराजगताको भिड रहेको बताउँदै उनले सो भिडको नेतृत्व गर्नेलाई आवश्यक कार्वाही हुने दावी गरे । उनले धनगढी क्षेत्रमा बनेका सडक एमालेकै सरकारको पालामा शुरु भएको बताए । केपी ओली प्रधानमन्त्री भएको बेला सघन सहरी विकास आयोजनाका रुपमा केही कार्यक्रम अगाडि बढाइएका थिए । त्यसैको परिणमले धनगढी शुन्दर बन्न लागेको उनले बताए ।उनले काठमाडौंको तीनकुनेमा आतंक मच्चाउने योजनाकारलाई कानुनको कठघरामा उभ्याउने प्रक्रिया सुरु भइसकेको बताए । महासचिव पोखरेलले दुर्गा प्रसाईँप्रति इंकित गर्दै यस्तो बताएका हुन् । ‘पूर्वराजा ज्ञानेन्द्र शाहले जनकमान्डर बनाएका, समाजमा आतंक सिर्जना गर्न, उत्पात मच्चाउन र लुटपाट गर्न योजना बनाउने योजनाकारलाई भारतमा लुकेको अवस्थामा प्रहरीले खोजतलास गरेर ल्याएको छ,’ उनले भने, ‘ती योजनाकारलाई आज हतकडी लगाएर कानुनको कठघरामा उभ्याउने प्रक्रिया सुरु भएको छ।’
महासचिव पोखरेलले गणतन्त्रपछि देशमा केही भएन भनेर राजावादीहरूले भ्रम फैलाउने प्रयास गरिरहेको बताए । ‘आज हाम्रो समाजलाई अराजकतातर्फ धकेल्ने प्रयत्न भएको छ,’ उनले भने, ‘अराजक गतिविधिले समाजलाई पछाडि धकेल्दै छ । त्यस अर्थमा हामीले खबरदारी गर्न आवश्यक छ ।’ उनले पञ्चायत र अहिलेको व्यवस्थाको परिवर्तन हेर्न गरिबीको अवस्था हेरे मात्रै पुग्ने बताए । ‘पञ्चायतको समयमा धनगढी र गरिबको खाडले २३ गुणा बढी थियो । अहिले ८ गुणामा झरेको छ,’ उनले भने, ‘समानतातर्फको यात्रा यो समाजमा अगाडि बढेको छ ।’
