जाेगबुढा, नेपाली कांग्रेसका सभापति शेरबहादुर देउवा डडेल्धुरा पुगेका छन्।
उनले सोमवार महाकाली नदी किनारमा पुगेर परशुराम धामको दर्शन गरे। रङ्गुन नदीमा तटबन्ध निर्माण, परशुराम नगरपालिका-६ र १२ जोड्ने रङ्गुन नदी र सलुन-शीर्ष–रुपाल जोड्ने सडकखण्डमा पक्की पुल निर्माण, सडक बाटोको स्तरोन्नति र कालोपत्रे गरिने सभापति देउवाले प्रतिबद्धता व्यक्त गरे।
सोमवार बिहान चुरे र महाभारत पर्वतको संगमस्थलमा अवस्थित प्राकृतिक आलितालको अवलोकनपछि महाकाली नदी किनारको परशुराम धाम पुगेर बाबा परशुरामको दर्शन गरेको कांग्रेस डडेल्लधुराका सभापति भीमबहादुर साउदले जानकारी दिए।
डडेल्लधुरा प्राकृतिक रूपमा रमणीय र थुप्रै धार्मिकस्थल, शक्तिपीठ भएको जिल्ला भएकाले धार्मिक पूर्वाधारहरूको विकास गरेर धार्मिक क्षेत्रको विकास गर्ने उनले बताए। धार्मिक पूर्वाधारहरू निर्माण भएपछि यहाँको जनजीविकामा परिवर्तन हुने उनको भनाइ छन् ।
नेकपा माओवादी केन्द्र, नेकपा एमाले लगायतका पार्टीका नेता कार्यकर्ताहरूसँग पनि परशुराम क्षेत्रको विकासका विषयमा महत्त्वपूर्ण छलफल संवाद समेत गरेको नगर प्रमुख भरत जोशीले बताएका छन् ।
