अत्तरिया, कैलालीको अत्तरिया प्रादेशिक महोत्सवमा प्रयोग भएका नक्कली ठेली प्रकरणमा किटानी जाहेरी परेका दुई जनाले स्वैच्छिक गिरफ्तारी दिएका छन् ।अत्तरिया उधोग बाणिज्य संघका महासचिव शंकर खडका र कार्य समिति सदस्य बम बहादुर बोगटी शुक्रबार कैलाली प्रहरी समक्ष हाजिर भएका छन् ।
जिल्ला प्रहरी कार्यालय कैलालीमा संघका अध्यक्ष कल्याण सिं बोहराले किटानी दिएपछि अनुसन्धानलाई सहयोग गर्न स्वैच्छिक प्रहरी समक्ष हाजिर भएको महासचिव खड्काले बताए ।
उनिहरुलाई प्रहरी कार्यालय सम्म पुर्याउन गएका संघका बरिस्ठ उपाध्यक्ष दलबहादुर खड्काले अनुसन्धानलाई सघाउन उनिहरु आफू खुशी प्रहरी समक्ष पुगेको बताए । खड्काले महोत्सवमा भएको अनियमितता को बारेमा निष्पक्ष छानबिन होस् भन्ने कुरामा आफुहरु अहिले पनि अडिक रहेको बताए ।
प्रहरीले पक्राउ जारी गरेका संघका सचिब दिलिप कुमार साउँद र अर्का युबा भुबन महरा भने अहिलेसम्म प्रहरी समक्ष पुगेका छैनन् । प्रहरीले पनि उनिहरुलाई पक्राउ गरेको छैन । संघका अध्यक्ष बोहराले ६ जनाको नाममा दुई पटक गरेर किटानी जाहेरी दिएका थिए ।
