काठमाण्डौं,नेपाल प्रो क्लब च्याम्पियनसिप क्रिकेटको फाइनल खेल अहिले पर्साको नारायणी रंगशाला वीरगन्जमा भइरहेको छ। उपाधिका लागि नेपाल पुलिस क्लब र पर्सा क्लब ११ बीच प्रतिस्पर्धा भइरहेको छ।
![](https://etigernews.com/wp-content/uploads/2024/01/bishal-shut-add.gif)
पर्साको कप्तान सन्दीप लामिछाने हुन्। शुक्रबारसम्मका सबै प्रतियोगिता खेलेका सन्दीपले शनिबारको फाइनल खेल भने खेलेनन्।शुक्रबार भएको सेमिफाइनलमा आर्मीलाई पराजित गर्ने क्रममा सन्दीपले ३ विकेट लिएका थिए।
![](https://etigernews.com/wp-content/uploads/2023/08/1558766367.gif)
बलात्कार मुद्दामा काठमाडौं जिल्ला अदालतले उनलाई कसुरदार ठहर गरेपछि उनी प्रतियोगिता नखेलेका हुन्। उनलाई दोषी ठहर गरे पनि सजायँ निर्धारणका लागि पुस २५ गतेको पेशी तोकिएको छ।
![](https://etigernews.com/wp-content/uploads/2023/08/nawaduga.gif)
सन्दीपको अनुपस्थितिमा टिमको कप्तानी सुरज पटेलले सम्हालेका छन्। प्रतियोगितामा टस जितेर पहिला ब्याटिङ गरेको नेपाल पुलिसले पर्सा ११ लाई जितका लागि १४६ रनको चुनौती दिएको छ। पुलिसले निर्धारित २० ओभरमा ८ विकेट गुमाएर १४५ रन बनाएको हो।