जोगबुढा, डडेल्धुराको परशुराम नगरपालिका–८ वडा कार्यालय जमरानीले अनाथ टुहुरा तथा गरिब जेहेन्दार विद्यार्थीलाई झोला वितरण गरेको छ।
![](https://etigernews.com/wp-content/uploads/2024/01/bishal-shut-add.gif)
वडा कार्यालयले शुक्रबार वैजनाथ माध्यमिक विद्यालय जमरानी र महादेव आधारभूत विद्यालय करेनीका विद्यार्थीलाई झोला वितरण गरेको हो। चालु आर्थिक वर्ष २०८०/८१ को विनियोजित बजेटअन्तर्गत अनाथ टुहुरा तथा गरिब जेहेन्दार विद्यार्थीहरूलाई झोला वितरण गरिएको वडाध्यक्ष दिनेश जोशीले जानकारी दिए।
![](https://etigernews.com/wp-content/uploads/2023/08/1558766367.gif)
सामुदायिक विद्यालयका विपन्न विद्यार्थीले झोला अभावमा कापीकिताब बोक्न समस्या हुने हुँदा थोरै भए पनि सहयोग होस् भन्ने ध्येयका साथ झोला वितरण गरिएको उनले बताए।
![](https://etigernews.com/wp-content/uploads/2023/08/nawaduga.gif)
वैजनाथ माविका २२ र महादेव आविका १६ जना विद्यार्थीलाई झोला वितरण गरिएको वडा कार्यालयले जनाएको छ। वडाभित्रका बाँकी दुई विद्यालयलाई पनि केही दिनमै झोला वितरण गरिने वडाध्यक्ष जोशीले बताए।