गोदावरी नगरपालिकाबाट आफ्नै स्वामित्वमा निर्माण हुन गइरहेको खानेपानी ट्याङ्की सुदुरपश्चिम प्रदेशको स्थानीय सरकारको यो पहिलो योजना रहेको र वडा नं १० बासीहरुको घर-घरमा धारा पुर्याई २ वर्ष भित्रमा शुद्ध खानेपानीको पहुँचमा ल्याउने उद्देश्यका साथ नगरपालिका यस कार्य अघि बढाएको जानकारी नगर प्रमुख भट्टले बताएका छन ।
नगरपलिकाले बृहत खानेपानी आयोजना अन्तर्गत १० नं वडामा ५ करोड २० लाख ३२ हजार ३ सय १ रुपैया बजेटबाट उक्त ट्याङ्की २ वर्षमा सम्पन्न हुने गरी धनगढीको एमएस एल बि एन्ड जय श्री बालाजी जे भी निर्माण व्यवसायी कम्पनी संग सम्झौता गरिएको हो।
यस आयोजनाको निर्माणका लागि पानी टंङ्की, पम्प हाउस / गार्ड हाउस, अफिस रुम, बोरिङ सेट निर्माणको काममा समष्टीगतमा ५१ प्रतिशत काम भएको र ३८ किलोमिटर मेन तथा शाखा पाईप लाईन बिस्तारका लागि नगरपालिकामा सूचना समेत जारी गरी सकेको जानकारी बालाजी जे भी निर्माण व्यवसायी कम्पनीले जनाएको छ ।
