अत्तरिया, कैलालीको गोदावरीबाट जुवा तास खेलिरहेका ९ जना व्यक्तिहरु पक्राउ परेका छन् । वडा नम्बर -१ बिजयनगर स्थित केशव सिंह गुरुङको घरमा जुवा तास भईरहेको छ ।
भन्ने विशेष सुचनाको आधारमा सुदूरपश्चिम प्रदेश प्रहरी कार्यालय धनगढी, कैलाली र ईलाका प्रहरी कार्यालय मालाखेतीबाट संयुक्त रुपमा प्रहरी टोलीले उनिहरुलाई पक्राउ गरेको हो ।
पक्राउ पर्ने मा वडा नम्बर १ बस्ने केशर सिंह गुरुङ, निरज शाह, खगेन्द्र योगी, वडा नम्बर २ बस्ने बुद्धी सापकोटा, नरेश रोकाया, मिन प्रसाद सिरिस, मान बहादुर ऐरी रहेका छन्। यस्तै वडा नं. ४ बस्ने धिर्क बहादुर बम ,बिजय चौधरी रहेका छन् ।
उनिहरुको जुवा खालवाट तास सहित नगद एकतिस हजार तिन सय सत्तरी बरामद गरेको छ । पक्राउ परेका माथी अनुसन्धान भैरहेको प्रहरीले जनाएको छ ।
