अत्तरिया, डोटीको आदर्श – २ मौवामा रहेको शारदा माध्यमिक विद्यालयका लेखापाल तपराज ओझा राष्ट्रिय शिक्षा पुरस्कार २०८१ बाट सम्मानित भएका छ्न।
शिक्षा क्षेत्रमा गरेको अतुलनीय योगदानको कदर गरि विद्यालय कर्मचारी, विद्यालय व्यावस्थापन समितिका पदाधिकारी, प्रारम्भिक बालविकास तथा शिक्षा सहजकर्ता/ शिक्षकतर्फ बाट डोटीका लेखापाल ओझा सम्मानित भएका छन ।
शिक्षा विज्ञान तथा प्रविधि मन्त्रालयले डोटीको शारदा माध्यमिक विद्यालयका लेखापाल तपराज ओझा सहित सुदूरपश्चिमका ५ जनालाई राष्ट्रिय शिक्षा पुरस्कार प्रदान गरेको छ ।
सुदुर पश्चिम प्रदेश बाट सम्मानित हुनेहरुमा श्री दशरथ चन्द मावि सुन्दरखाली बैतडीकी विव्यस अध्यक्ष पार्वती चन्द, श्री पञ्चोदय मा.वि. धनगढी ५ हसनपुर कैलालीका कार्यालय सहयोगी रुद्र भुजेल, श्री शारदा मा.वि. आदर्श २ मौवा डोटीका तपराज ओझा, श्री शैलेश्वरी मा.वि. हिमाली गा.पा. ४ फैती बाजुराका बालविकास शिक्षक पुर्वा मल्ल र श्री सत्यवादी मा.वि. भोपुर बझाङका विव्यस अध्यक्ष नरेन्द्र बहादुर खडका लाई सम्मानित गरेको छ
