दार्चुला,दार्चुलामा दुई जना फरार प्रतिवादी पक्राउ परेका छन्। पक्राउ पर्नेमा महाकाली नगरपालिका–४ का प्रेमसिंह बुढाथाकी र लेकम गाउँपालिका–१ का एक नाबालक रहेका छन्।
![](https://etigernews.com/wp-content/uploads/2024/01/bishal-shut-add.gif)
बुढाथोकीलाई २०८० असोज १५ गते चेक अनादर मुद्दामा जिल्ला अदालत दार्चुलाले २ हजार जरिवाना तोकेको थियो भने नाबालकलाई चोरी मुद्दामा २०७७ माघ १२ गते २० हजार जरिवानासहित १ वर्ष ११ महिना १२ दिन कैद सजाय सुनाइएको थियो।
![](https://etigernews.com/wp-content/uploads/2023/08/1558766367.gif)
उनीहरु दुबै जनालाई सोमवार (हिजो) पक्राउ गरेको जिल्ला प्रहरी कार्यालय दार्चुलाका सूचना अधिकारी एवं प्रहरी निरीक्षक ज्ञानेन्द्रबहादुर सिंहले बताए। दुबै जनालाई कारबाहीका लागि मंगलवार जिल्ला अदालतमा पेश गराईएको छ।
![](https://etigernews.com/wp-content/uploads/2023/08/nawaduga.gif)