अत्तरिया, कैलालीको गोदावरीमा आज देखि लोटस आई किर्केट कप शुरु भएको छ।
अत्तरिया किर्केट क्लबको आयोजनामा प्रतियोगिता शुरु भएको हो । प्रतियोगिताको एक कार्यक्रमका बिच गोदावरी – १ का वडा अध्यक्ष गोपाल दत्त भट्टले उद्घाटन गरेका थियो ।
लोटस आई सेकेण्डरी स्कुलले प्रायोजन गरेको प्रतियोगितामा गोदावरी नगरपालिका मुख्य प्रवर्द्धक रहेको छ । आज पहिलो खेल सैनिक आवासीय महाविधालय तेघरी र लोटस आई सेकेण्डरी स्कुल अत्तरिया खेलिरहेका छन् ।
२६ गतेसम्म चल्ने प्रतियोगितामा कैलाली र कंचनपुरका गरि ८ ओटा टिम सहभागी रहेका छन् ।प्रतियोगितामा पहिलो हुने टिमले नगद रु १ लाख १ हजार ट्रफी र मेडल पाउने छ । यस्तै दोस्रो हुने टिमलाई ५१ हजार नगद ट्रफी र मेडल उपलब्ध गराइने छ ।
प्रतियोगितामा सर्बोत्तकृष्ट खेलाडी,उत्कृष्ट ब्याटर र बलर लाई पनि पुरुष्कार को व्यवस्था गरिएको छ । प्रतियोगिताको कुल लगानी १२ लाख रहने क्लबका अध्यक्ष दिपेन्द्र गौतमले बताए ।
