अत्तरिया , कैलालीको गोदावरी नगरपालिका १ मा “मिलाप बप्तिस चर्च” काे नवनिर्मित भवनको उदघाटन गरिएको छ। आज गाेदावरी नगरपालिका नगरप्रमुख बिरेन्द्र भट्ट ले एक कार्यक्रमका बिच उदघाटन गरेका हुन । ४१ लाखको लगानी मा भबन को निर्माण कार्य सम्पन्न भएको हो । गोदावरी नगरपालिकाको पनि सहकार्य उक्त भबन मा रहेको छ ।
कार्यक्रम लाई सम्बोधन गर्दै नगरप्रमुख भट्ट ले कसैलाई जात धर्मको आधारमा विभेद नगरिने बताए । उनले भने ,”सबैले आ-आफ्नो आस्था विश्वास धर्म सिदान्त अपनाउने अधिकार सबैलाई छ । त्यसैले नगरपालिका ले पनि सबैलाई समान अधिकार नगरनगरपालिकाबाट पाउने सेवा सुबिधा मा दिने छ ।”
नगरप्रमुख भट्टले गोदावरी इसाई समाजले राखेको माग गोदावरी नगरपालिकामा इसाइहरुको लागि छुट्टै चिहान उपलब्ध गराउने प्रतिबद्धता समेत जागेर गरे ।चर्चका पाष्टर देवराज भट्टको सभापतित्व मा भएको कार्यक्रम को संचालन चर्च का काेषाध्यक्ष तथा लिडर विलियम सिं ले गरेका थिए ।
कार्यक्रम मा वडा नम्बर -१ का वडा अध्यक्ष गोपाल दत्त भट्ट ,ओटिआर नेपाल का निर्देशक प्रकाश बस्याल,नेपाल बप्तिस मण्डली परिषदका मिसन निर्देशक डिकन सन्तोष बस्नेत , कर्णाली तथा सुदुर पश्चिम प्रदेश बप्तिस सभाका अध्यक्ष पास्टर मन कुमार राई,एन सि एस नेपाल सुदुरपश्चिम प्रदेशका प्रदेश संयोजक हिमाल भाट का साथै कैलाली कंचनपुर का बिभिन्न चर्चका पास्टरहरुको सहभगिता रहेको थियो ।
